انتقد المشرف التربوي وميض خليل إبراهيم، تخبط قرارات وزارة التربية بشأن الدوام، فيما حسب إيام الدوام "حساب عرب".

وأوضح إبراهيم، في منشور عبر صفحته على الفيس بوك تابعته وكالة النبأ بالقول، "ورقة وقلم وحساب عرب ، عدد الايام الدراسية الفعلية للكورس الاول من ١١/١ لغاية يوم ١/٢٠ لان الامتحانات الشفوية لازم قبل اسبوع من التحريري كانت ٥٩ يوما بواقع ١١ اسبوعا، اذا شلنا من كل اسبوع يومين باعتبار الدوام ٤ ايام بالاسبوع راح يبقى ٣٧ يوما اكيد راح نشيل الاسبوع الاول لان كتب وترتيب شعب يبقى ٣٣ يوما هاي احسن المدارس وماكو نقص مدرسين ولامحاضرين مضربين".

وأضاف باللغة الشعبية الدارجة قائلا: "نجي للمصيبة الكبرى بعض المدارس كانت قاعات امتحانية للدور الثاني التكميلي والدور الثالث وهاي طار من دوامها اقل شي ٧ ايام يعني صفت ٢٦ يوما، يا منطق وياعقل ويا تعليم يقبل بهاي الفترة يصير فصل دراسي ولازم بي امتحانين شهريين واكمال منهج".

وتابع قائلا: "الاخوان اللي بالوزارة خاف ناسين ترى العام الدراسي ٢٠٢١/٢٠٢٠ بعده ماخلص لان نتائج الدور الثاني التكميلي لم تعلن والبارحة تكولون ماعدنا مانع لاقامة دور ثالث ، وين اليونسكو واليونسيف والامم المتحدة واللي مامتحدة من هاي المهزلة اللي تريد تدمير ما بقى من تعليم ان بقي شي ".

ووجه خليل خطابا للكوادر التربوية، "دعوة لكل تربوي لاعلاء الصوت ضد هذا التخبط والفوضى التي ضحيتها الاولى ابنائنا ومستقبل وطننا".

 

اضف تعليق